“133 Ning Hpring Mungkan Bungli Masha Nhtoi”Ndau Laika

Laika Masat 8/ 2 0 2 3
2023 Ning, May, (1) ya
(Kachin version)
(1) Dai ni 2023 ning, May (1) ya shani gaw (133) ning hpring “Mungkan bungli masha nhtoi” rai nga ai. Mungkan bungli masha nhtoi hpe lai wa sai 1890 ning May (1) kaw nna shaning shagu Ga Baw amyu myu hte galaw wa sai, dai ning 2023 hta gaw “Workers’ rights, economic and social justice” ngu ai Ga Baw hte Mungkan shara shagu galaw taw nga ga ai. Mungkan shara shagu hta nga taw ai bungli masha ni hku nna lu ging ai ahkaw ahkang hpe lu la na matu rawt malan wa ai nhtoi rai ga ai.
(2) Mungkan shara shagu hta galaw taw ai raitim anhte mung dan gaw majan tsin yam a majaw mungdan kata hta galaw na matu yak hkak nga ai ten rai nga ai. 2021 ning hpang kaw nna Myen Hpye Dap kaw nna Mungdan hpe hpyen gumshem masa hte mungdan hpe up-hkang wa ai kaw nna, bungli masha ni a matu galaw lu galaw sha, magam bungli galaw ai ram manu jahpu nlu, roi rip roi sha hkrum ai, Num ma ni mung magam bungli galaw ai shara hta roi rip sha hkrum ai hte rap ra ai ahkaw ahkang nnga ai hpe mu mada lu ga ai.
(3) Bungli masha ni a matu Rap ra ai ahkaw ahkang lu na matu seng ang ai Mungkan Wu-hpung ni hpang de rap ra ai Tara byin wa lu na matu “KNF” kaw nna hpyi shawn dat ga ai. Mungdan kata hta nga ai Wu-hpung ni hku nna mung Bungli Masha ni rap ra ai ahkaw ahkang lu na matu, matut nna myit hkrum shabawn let shakut shaja sa wa ga ngu lajin dat ga nngai.
Names of Members Organizations;
1. All Kachin Students’ Federation – AKSF
2. Kachin Affairs Council (KAC)
3. Kachin Documentation Center – KDC
4. Kachin Education Network – KEN
5. Kachin Environmental Group – KEG
6. Kachin Farmer Network (KFN)
7. Kachin Human Rights Watch – KHRW
8. Kachin Mining Watch – KMW
9. Kachin Political Study Group – KPSG
10. Kachin Women Network – KWN
11. Kachin Youth Network – KYN
12. Research and Analysis Group Kachin -RAGK
13. Rivers Network Kachin – RNK
14. Kachin Information Technology Network – KITN
15. Kachin Health Group – KHG
16. Kachin Lawyer Network – KLN

For more information:
• Zau Tang, Tel: +66 65 227 6508