Shaning Ningnan Hkalum Ga
Jinghpaw Wunpawng Amyu Sha ni yawng ngwi pyaw hkam kaja ai hte Hpan Madu Wa Karai Kasang kaw nna shaning ningnan hta Wuli Shaman chyeju hkam la u ga.
Myen Hpyen Gumshen Kongsi gaw Shaning aten ladaw law law, Amyu Sha ni hpe hpan amyu myu hku shinggyim ahkaw ahkan hpe tawk lai nna aroi arip up hkang lai wa sai. Amyu Sha ni law law si hkrum wa saga ai. Amyu Sha ni lawt lu na matu ap nawng lai wa ai mung law law rai nga saga ai. Ndai zawn Amyu Sha ni hpe Shaning Ladaw law law, hpan amyu myu hku aroi arip rai nna, up hkang taw nga ai Myen Hpyen Gumhshen Kongsi hpe matut nna Amyu Sha ni yawng myithkrum ai hte ja ja ninghkap sa wa ga.
Jinghpaw Wunpawng Amyu Sha ni yawng, Shaning Ningnan aten hta Myit Simsa lam hte Tara Rapra lam hkam la lu ai hte myit ai lam ni yawng hkum hkum tsup tsup lu la u ga. Amyu Sha ni a pangdung de matut nna shakut shaja sa wa ga ngu anhte “Jinghpaw Wunpang Amyu Sha Forum” kaw nna Shaning Ningnan hkalum ga shalai dat nngai.
Woi Awn Komiti
Jinghpaw Wunpang Amyu Sha Forum
